مشوار كبير بين عيونها الحزنانه ومابين الجبين بصيت جوه عيونها واستأذنتها ادخل
بصت بصه فيها حنان وداخلتنى جوه عيونها وحضنتنى سألتها ليه السفر بعيد قوى مابين عنيكى وبين الجبين ......!
ضحكت ضحكه من شفايفها نزلت دمعه جوه عنيها
وبسرعه خدتنى جوه عيونها ..... ساعتها بس حاسيت انى شايفه العالم بعينها اتّخبط فى كل الاماكن والزحمه الكبيره الّي
جواها
صرخت قولت عايزه اخرج
ساعتها عرفت ليه خوفها علية لما سألتها ..............................
من ساعتها وانا محرمتش ادخل من تانى وتالت جوه عيون البنى ادمين واسافر
ومن يومها وانا شايله جوه عنية ضى عيونها الّي المشواير عدت عليها بس لسه ذى ماهى قادره تضحك ......
هناك 7 تعليقات:
اختى الحبيبه
بنت مامنى و بابانا الله يرحمه
عاوزه اقولك بحبك قوى قوى قوى
جميل كلامك لأن احساسك دايما عالى قوى
ربنا يخليكى و ميحرمنيش منك ابدا و قريب قوى يااارب افرح بيكى ..
دمت بخير حبيبتى ودمتى مبدعه
حفظك ربى و رعاكى
قبلاتى و تحياتى
rovy
اختى الحبيبه روفى فتحت البوست بتاعى من القاهره ماتصوريش اد ايه سعيده وانا بقرا التعليق بتاعك وفرحت اكتر لانك اول واحده تعليقى على البوست
ربنا يخليقى ليه ومايحرمنيش منك ابدا
كلامك جميل ومعبر وجديد كمان
تحياتى
ربنا يسعد ايامك
وماتشوفيش غير الفرح في عيون الناس ومنها لعيونك
شكرا ليك ياعمر بس بجد مش اجمل من البوست بتاعك
سعيده بمعرفتك
انا سعيده جدا بزيارتك ليه وبجد \البوست بتاعك دمه خفيف قوى وسعيده جدا بمعرفتك
إرسال تعليق