الحلقه التانيه

بصت فى كراستها القديمه .... ملقتش....... غير شوية شخابيط وحاجات ماكنتش شيفاها حست ..... انها اول مره بتشوف اول مره تحس السكوت اول مره تدوب مع صدق قلبها من غير خوف انها تخبى على نفسها كلمة صدق شلتها فى قلبها من سنين حنين......حنين لكل حاجه لحكايات ابويا وغنوتنا سوا ولعم عبده وقفطانه الابيض اللى عمره مااسود وضحكته اللى تشبه هلال رمضان ...للحاره ولعب العيال فى الشارع وشباك بيتنا اللى ياما حاولت امسك منه احلامى اللى هربت على الشارع تلعب السيجا وعسكر وحراميه ...

قفلت كراستها ... بصت على ملامحها جوه المرايا ... سمعت صوت طفله بتنادى تقولها مش هتعرفى تمسكينى .... فجاه نطت جوه حضنها قالت لها وحشتينى

الدينا زحمه قوى ويارب ماتاخر

حكايات البنت الّى نفسها تراوح.؟

الحلقه الاولى



كان ساحر الابتسامة
يحس قلبك بالفجر لما
تشوفه عينك تحضنه وتتبدل الدموع بالابتسامات
جوه عينه تسافر
مكتوب وسط عيونه ان قلبه ذى نجمة السماء تنور لياليه
وتتنفس احلامه الكبيره اللى اكبر منه طبعا وكأنها فى سباق مع الاحلام
اما عن الامه خليها دلوقتى اصلى مخبياها جوايا ومدرياها حتى عنه
لانه اول انسان اكتشفت معاه....ان الانسان مكتوب جوه عينه يوم ميلاده هو يوم ترحاله




ياخبر الوقت اتاخر قوى ونسيت اروح ..........؟

اوعدينى ايديك تحضن ايديه ولاتسيبينى

اوعدينى لو لقيتى الكون ضياع تيجى حضنى تسكنينى

اوعدينى الصدق الّى بنا مايموت وحسيسينى

اننا قلب واحد فكر واحد اسمعينى

اوعدينى لو نسيت او نسيتى افكرك وتفكرينى

اوعدينى لو انكتب بنا الفراق اكتبلك وتكتبيلى

اوعدينى لو ضاع الكلام من الكلام تكلمينى

اوعدينى نغزل الفرحه فى قلوبنا وعيونهم وعيونه نقتل الخوف من قلوبنا صدقينى

صدقينى لسه قلوبنا قادره طول ماجواها الايمان وبتتوضأ بالاذان

احلفيلى ...احلفيلى عمرنا مانبعد ولاموت يفرق بينا .. هاتقولى مجنونه ولا هتصدقينى

هطير رغم التكشير ....هطير وزمر زمامير

لا يهمنى ضابط ولا غفير

انا مش هكون غيرى ...مهما قالوا الناس كتير

هبتسم للسماء الصافيه ....

ما دومت لسه قادره ابتسم ليه لا............

هبعد عن الاحزان وهصفر صفافير

هفتح القفص المكتفنى وهطير العصافير

اعتذار

انا بعتذر لكل احبائى الّى علقوا على البوست الاخير بجد الكمبيوتر محتاج يتصلح حتوحشونى كتير لحد ما اصلح الكمبيوتر

عم رضا انسان بسيط لاعنده سيط ولااحلامه متكركبه عم رضا هتلاقيه وسط البيوت الطيبه عمره من عمرها ملامحه من ارضها .....احزانه مش مزعجه راضى بنصيبه والّى يصيبه فداء لحبيبه والّلى يحبوه ناس كتير حتى الحارات والبيوت وشوارع والقهاوى والمنادى والعرق الّى بيسيل ينادى النداء
عم رضا راضى وساكت ويقول نصيبه الّى يصبه فداء لحبيبه وحبيبه فى عيونه من سنين خايف عليه من الانين من الاحزان من الحنين ....عم رضا انسان اّمين ......... بس كده.........................

حاسب المسافه بعدت ما بنا خلاص ....الحلم انقسم ونزف مالقاش حد يداويه
غرقت الدموع لياليه اّحلى حاجه ماتت فيه................
وانا بناديك ...................قولى انت فين؟

ياابتسامته طهرى رجعى الطفل تانى ياابتسامه تاتا تاتا يالة واحد اتنين تلاته حسى بيه

كلامى فكريه بالسلام والحمام الّى طاير من زمان فوق جبينه جوه عينه بتعيش اطفال كتير فاتحين الاْيادى للبراح مودعين الجراح ....... حلمهم الّى راح كاْنه ماراح

لسه فى احلام كتار لسه فى مليون نهار.

مشوار

مشوار كبير بين عيونها الحزنانه ومابين الجبين بصيت جوه عيونها واستأذنتها ادخل

بصت بصه فيها حنان وداخلتنى جوه عيونها وحضنتنى سألتها ليه السفر بعيد قوى مابين عنيكى وبين الجبين ......!

ضحكت ضحكه من شفايفها نزلت دمعه جوه عنيها

وبسرعه خدتنى جوه عيونها ..... ساعتها بس حاسيت انى شايفه العالم بعينها اتّخبط فى كل الاماكن والزحمه الكبيره الّي

جواها

صرخت قولت عايزه اخرج

ساعتها عرفت ليه خوفها علية لما سألتها ..............................

من ساعتها وانا محرمتش ادخل من تانى وتالت جوه عيون البنى ادمين واسافر

ومن يومها وانا شايله جوه عنية ضى عيونها الّي المشواير عدت عليها بس لسه ذى ماهى قادره تضحك ......

قفطانه الابيض

هو قادم يبتسم والهواء يطير قفطانه اتجه البحر

هو دائما يعشقه

هو دائما يبتسم اينما كنت

وعندما تذهب اليه يختفى يداعب احساسك وقلبك ثم يذوب داخلك

رغم انه يبلغ من العمر ميلاد البحر يحمل بين ملامحه طفلا صغير ينتابك شعور ما بان تاخذه بين احضانك ولكن عندما يقترب يسقط منه طفله يبتسم ويختفى القفطان الايض وراء البحر

مستنى ايه؟

جربت تقوم من النوم تمشى فى الشارع حافى تغسل وشك بندا الصبح وتزغزغ كعوب رجلك الارض الواسعه واول حاجه تحضن جسمك نسمه بعيده جايه من السفر عشان تبوسك لانك واحشها بجد تفتح ايدك للبراح يدغدغ الاحزان يولد اجمل الابتسامات ... تتفجئ بميلاد جديد بترسمه شفايفك ...وتموت على نفسك من الضحك لما تكتشف انك لسه مش قادر تحلم الحلم .... مستنى ايه ؟.... خايف تحلم!

حلمك البعيد......

حلمك جايز يروضك انك تتعدى الحواجز الموجوده جوه الحته البعيده

تسافر جوه عنيه تشيلك بلاد وتحطك والاوقات الممكن تتخيل انك خلاص رسيت .......

تخاف عينى البراح والزغريد الجوه الحته الموجوعه وتبعد لحد الفراغ الموجود بين الشفايف وبين الحنين ولمحه رفض بتحضن خوف من ايام بدايات تكوين الحروف على الشفايف تغيب شمس الحكايات جوه عنيه وتنام وتحلم ببكره يولد فجر جديد

وانت ذى ماانت واقف بتحلل ودرس احلام متكرره جواك ...بس لسه فاصل حد السيف بينى وبينك..................ح

لو كان ده حلم!

عندما تغمض عينك الليل يسكن فى احضان الحب
ويسقط بلا ارده تسلبه اجمل ماعنده ....سكونه بل ويتعلق بين احضانك كالام الحنون
وانت تقف تبتسم وتحاول ان ترى من جديد الحمل الذى بين احضانك فتتلفت فلا تجد سوء بعض الاحلام السرياليه التى ربما تموت عندما تفتح عينك ولا تجد شئ سوء نور الصباح فتتعجب عندما تحضن شفاتيك الابتسامه !